اغسل وجهي بغسول كلينك واستخدم التونر .

اضع نقط من كريم كلينك على جميع اجزاء وجهي بما فيها الرقبه وبعدها ابتدى
امسحه برفق بحركه دائريه على الوجه وحركه لفوق للرقبه

ابتدي احط مكياج عيوني وهو عباره كحل ومسكره وفي هذي الاثناء احس ان بشرتي تتشرب الكريم .

احط كميه لا بأس بها على اطراف اصابعي من كريم الاساس شانيل وبعدها افرك اصابع يديني مع بعض بحيث تتوزع الكميه على اصابع اليدين وبعدها اوزعها على كامل الوجه والرقبه وبحركات مثل الي كنت اسويها وانا اوزع الكريم .

اكمل باقي مكياجي بالبودره واوزعها بفرشاه ماك 187 بحركات دائريه .

هذا عباره مكياجي الصباحي

ثانيا : مكياج المناسبات , الزيارات

اغسل وجهي بغسول كلينك واستخدم التونر .

اضع نقط من مرطب شانيل على جميع اجزاء وجهي بما فيها الرقبه وبعدها ابتدى
امسحه برفق بحركه دائريه على الوجه وحركه لفوق للرقبه

. احط كميه من كريم الاساس شانيل على اطراف اصابعي + كميه من كونسيلر ماك التيوب وبعدها افرك اصابع يديني مع بعض بحيث تتوزع الكميه على اصابع اليدين وبعدها اوزعها على كامل الوجه والرقبه وبحركات مثل الي كنت اسويها وانا اوزع المرطب .

ملاحظه :

الكونسيلر يعطي تغطيه اكبر لكريم الاساس خصوصا لين انخلط معاه و يعطي بشره موحده اللون ومتجانسه وخاليه من العيوب .

أثبت الاساس بالبودره واوزعها بفرشاه ماك 187 بحركات دائريه .

اوزع كميه كبيره من اللوس بودر تحت عيني وابتدى احط الشدو والكحل والمسكره واكمل باقي المكياج .

بالنهايه ارش رشتين من مثبت المكياج من ميك اب فور ايفير .

ملاحظه :

طبعا كل وحده بتستخدم البودره الي تناسبها نفسي استخدم بودره جيرلان المضغوطه بس اهم شي طريقه توزيعها وهي الحركه الدائريه باستخدام الفراشاه .

مثبت المكياج من ميك اب فور ايفير ( الفكس ) ممكن استخدامه للمكياج الصباحي او المسائي وهو بدوره يزيد من ثبات كريم الاساس والبودره وتكفي منه رشتين بنهايه الخطوات .

هذي طريقتي والمستحضرات الي جربتها و الحمد لله نفعت مع بشرتي